آپ کی نگری ہے فردوسِ بریں میرے لیے

آپ کی نگری ہے فردوسِ بریں میرے لیے

وادئ طیبہ ہے جنت سے حسیں میرے لیے

---

جو مدینے کے خس و خا شاک پر سو کر اٹھیں

بادشاہوں سے ہیں بڑھ کر وہ مکیں میرے لیے

---

جس گلی نے آپ کی خوشبو کو چوما تھا کبھی

وہ گلی فردوس سے کم تو نہیں میرے لیے

---

آپ نے جس کو قدم بوسی کا بخشا تھا شرف

باغ جنت سے ہے بہتر وہ زمیں میرے لیے

---

آپ کے رخسار کی لاؤں کہاں سے میں مثال

آپ کے رخسار ہیں عرشِ بریں میرے لیے

---

آپ کا فاروقِ اعظم ہے مجھے جاں سے عزیز

آپ کا بوبکر ہے روح الامیں میرے لیے

---

آپ کا ہر اک صحابی صبحِ صادق کی دلیل

مہر و مہ ہیں آپ کے سب ہم نشیں میرے لیے

---

گنبدِ خضراء جہاں موجود ہے اس شہر میں

ڈھونڈتی ہے سجدہ گاہیں یہ جبیں میرے لیے