عرشاں فرشاں نوں عقیدت دا ہلارا آیا
آمنہؓ مائی دا جد راج دلارا آیا
تیری کلی توں میں قربان حلیمہؓ جتھے
ساری مخلوق دیاں اکھیاں دا تارا آیا
ماڑیاں بے کساں مظلوماں دی قسمت جاگی
بن کے رحمت اوہ یتیماں دا سہارا آیا
اوہ گھڑی اپنے نصیباں تے نہ کیوں ناز کرے
جس گھڑی دنیا تے اللہ دا پیارا آیا
ڈبدیاں ہویاں جدوں نام لیا سوہنے دا
کول اونہاں دے بچاون نوں کنارا آیا
اور ظہوریؔ نہ زمانے تے کِتے ہور مِلے
جہڑا سرکار دے روضے تے نظارا آیا
شاعر کا نام :- محمد علی ظہوری
کتاب کا نام :- کِتھے تیری ثناء