عرشی فرشی رل کے دین مبارک باد حلیمہؓ نوں
کملی والے دی آمد نے کیتا شاد حلیمہؓ نوں
در تے ہور وی آئیاں دائیاں مڑ گیاں تے مڑ پچھتائیاں
کائنات دی سب توں مہنگی ملی مراد حلیمہؓ نوں
دو جگ دے سلطان دی دائی سوہنے لیکھ لخا کے آئی
ہر پاسے توں صل علیٰ دی مل دی داد حلیمہؓ نوں
جھک گئے آپ جھکاون والے مٹ گئے آپ مٹاون والے
الفت پاک نبی دی کر گئی زندہ باد حلیمہؓ نوں
ایہہ وی شرف کسے نئیں پایا اکثر وچ حدیثاں آیا
رو پیندے سن سرور عالم کرکے یاد حلیمہؓ نوں
جانے جنھوں مول نہ کوئی مالا مال ظہوریؔ ہوئی
اللہ دے محبوب نے کیتا جد آباد حلیمہؓ نوں
شاعر کا نام :- محمد علی ظہوری
کتاب کا نام :- صفتاں سوہنے دیاں