ہر پاسے نور دیاں پیندیاں تجلیاں
رحمتاں خدا نے ویہڑے آمنہؓ دے گھلیاں
ہوگیا زمین و آسمان نور و نور سی
جس ویلے ہویا میرے آقاؐ دا ظہور سی
ٹھنڈیاں ہواواں دو جہان وچ چلیاں
حشر دے میدان وچ مشکلاں چہ جان ہو سی
ہر کوئی اوس ویلے اوتھے پریشان ہو سی
سوہنے باہجوں کیہڑا سانوں دیوے گا تسلیاں
عشق اینویں سوکھا نئیں سجناں نبھائی دا
کدی کدی دید لئی سولی چڑھ جائی دا
ملدیاں نہ پیار دیاں منزلاں سولیاں
جگ سوں جاوے جدوں نیندراں نہ آؤندیاں
اکھیاں وچھوڑے وچ نت کرلاؤندیاں
راہواں تے اڈیک دیاں بیٹھیاں اکلیاں
جیہڑے اوہدے پیار والے نشے وچ چور نیں
اوہناں کولوں پچھو جو مدینے کولوں دور نیں
اوکڑاں وچھوڑے دیاں اوہناں کیویں جھلیاں
شاعر کا نام :- محمد علی ظہوری
کتاب کا نام :- صفتاں سوہنے دیاں