بہار شہر عظمت دیکھ آیاں
در فیض و کرامت دیکھ آیاں
غلاماں تے برسدی کس طراں ایں
رسول اللہ دی رحمت دیکھ آیاں
گنہگاراں نوں طیبہ پاک وچوں
کویں ملدی اے جنت دیکھ آیاں
گھجوراں دے درختاں دی فضا وچ
کمال حسن فطرت دیکھ آیاں
جہنوں جنت دی جنت آکھدے نے
در خاتون جنت دیکھ آیاں
مدینے شہر دے لوکاں دے اندر
محبت ای محبت دیکھ آیاں
بشكل آستان یار صائم
خدا دی خاص قدرت دیکھ آیاں
شاعر کا نام :- علامہ صائم چشتی
کتاب کا نام :- کلیات صائم چشتی