بہت چھوٹا سہی لیکن مدینے کی نظر میں ہوں

بہت چھوٹا سہی لیکن مدینے کی نظر میں ہوں

مجھے لگتا ہے یوں جیسے میں آغوشِ سحر میں ہوں

---

کسی طوفانِ بَد کا مجھ پہ حملہ ہو نہیں سکتا

بہت ہی مطمئن ہوں مَیں کہ دامانِ شجر میں ہوں

---

نہ بڑھتی ہے نہ گھٹتی ہے عجب ہی یہ مسافت ہے

قدم آگے نہیں جاتے بظاہر مَیں سفر میں ہوں

---

کسی سیلاب نے میرا کبھی رستہ نہیں روکا

غلامی کے سبب مَیں لشکرِ خیر البشرؐ میں ہوں

---

جھُکی رہتی ہے میرے سر پہ رحمت کی گھٹا انجؔم

مجھے لگتا ہے جیسے مَیں دعاؤں کے نگر میں ہوں