چنگی بادشاہی نالوں اوہدے در دی گدائی
جنہوں مل گیا مدینہ اوہنوں مل گئی خدائی
اوس نگری دا صدقہ سارا وسدا زمانہ
اوتھے رحمتاں دی دولت اوتھے نور دا خزانہ
اونہوں مل گئی حیاتی جنہوں اوتھے موت آئی
جیدا دل اوتھے لگے کویں دنیا چہ وسے
رہندا ہجر وچ روندا بھانویں سارا جگ ہسے
اوہنوں وسدی اے دنیا ساری لگدی پرائی
جاگے ساڈا وی نصیبہ کدی آوے اوہ مہینہ
اکھاں ساڈیاں وی ویکھن کملی والے دا مدینہ
دل ساڈا وی ظہوریؔ نت دیندا اے دہائی
جنہوں مل گیا مدینہ اوہنوں مل گئی خدائی
شاعر کا نام :- محمد علی ظہوری
کتاب کا نام :- صفتاں سوہنے دیاں