دردی ایں جگ دا غم دے اسیراں دی سارے
سخیاں دے بادشاہا فقیراں دی سارلے
توں ساڈے سینیاں دیاں زخماں تے پا نظر
توں ساڈے گلمیاں دِیاں لیراں دی سارلے
لیکھاں دے وانگ ایہہ وی کِتے سُتّے سوں نہ جان
توں ساڈے جذبیاں تے ضمیراں دی سارلے
اکھیاں بنے نیں جہیڑے تِرے انتظار وِچ
آکے کدی تے اوہناں سریراں دی سارلے
روضہ وکھا کے بلدیاں اکھیاں نوں ٹھنڈ پا
دَر تے بُلا کے وگدیاں تیراں دی سار لے
تائبؔ جیہاں نوں خیر دی منگن دی جاچ نہیں
چُپ چُپ کھلوتے ہوئے فقیراں دی سارلے
شاعر کا نام :- حفیظ تائب
کتاب کا نام :- کلیاتِ حفیظ تائب