دُھماں دو جگ دے وچ دُھمیاں نے مکّی مدنی سردار دیاں
تھاں تھاں تے صفتاں ہون پیاں اس خالق دے دلدار دیاں
نِت اون ملک اسماناں توں میں صدقے اُسدیاں شاناں توں
پُچھ کر بل دے مہماناں توں شاناں ساڈی سرکاردیاں
ویکھو کیڈا شان ودھایا اے محبوب نوں کول بلایا اے
ایہہ بھید کسے نہ پایا اے کیہہ گلّاں ہو ئیاں پیار دیاں
تیرا نام لیاں بُت سجدہ کرن ترے خادم مردے زندہ کرن
چن سُورج نوں شرمندہ کرن چمکاں تیرے رخسار دیاں
اعظؔم جے کرم حضورؐ کرن میں کو ہجی نوں منظور کرن
نہ درتوں اپنے دُور کَرن میں منگتی اُس دربار دیاں
شاعر کا نام :- محمد اعظم چشتی
کتاب کا نام :- کلیاتِ اعظم چشتی