دل شاد تے گھر اپنا توں آباد کری جا
گھر اپنے چ سرکار دا میلاد کری جا
رب آکھے میں گھل یارنوں احسان ہے کیتا
مومن ایں تے احسان خُدا یاد کری جا
تینوں کیہ پریشان کوئی ہندا تے ہووے
سُن نعت نبی اپنا توں دل شاد کری جا
جے چاہویں کہ امداد ملے اللہ دی تینوں
سرکار دے عشاق دی امداد کری جا
طوفان چ پھس گئی اے مقدر دی جے بیڑی
بچ جائیں گا رُخ جانب بغداد کری جا
ہو دور تیرے جان گے دُکھ درد تمامی
دربار علی مولا تے فریاد کری جا
محبوب دے انوار دے اذکار تھیں صائم
انداز نویں نعت دے ایجاد کری جا
شاعر کا نام :- علامہ صائم چشتی
کتاب کا نام :- کلیات صائم چشتی