دو جگ وچ کھڑکیاں تاراں
اَج مِلناں ایں دونہہ یاراں
دو جنگ نوں خوشیاں چڑھیاں آیاں ملن دیاں گھڑیاں
رحمت نے لایا جھڑیاں ، سب مہک پییاں گلزاراں
دو جگ وچ کھڑکیاں تاراں آج ملناں ایں دونہہ یاراں
جد ٹُرے حبیب پیارے راہواں وچ وچھ گئے تارے
آ نبی کھلوتے سارے ، وچ راہ دے بنھ قطاراں
دو جگ وچ کھڑکیاں تاراں آج ملناں ایں دونہہ یاراں
فُرقت دیاں گھڑیاں مُکیاں سوہنے نے باہواں چُکیاں
جَد قَوساں دونویں جھکیاں اَو اَدنیٰ پَین پکاراں
دو جگ وچ کھڑکیاں تاراں آج ملناں ایں دو نہہ یاراں
مازاغ دا سُرمہ پاکے جد یار کھلوتا جا کے
کہیا حق نے پردے چاکے ہُن لُٹ لے موج بہاراں
دو جگ وچ کھڑکیاں تاراں اَج ملناں ایں دونہہ یاراں
رب کھولیا نُور خزانا گھر یار نے پھیرا پانا
اِس راتیں بخشے جانا صائم جئے اوگنہاراں
دو جگ وچ کھڑکیاں تاراں آج ملناں ایں دونہہ یاراں
شاعر کا نام :- علامہ صائم چشتی
کتاب کا نام :- کلیات صائم چشتی