حدِ خرد تدبیروں تک ہے

حدِ خرد تدبیروں تک ہے

عشق مگر تقدیروں تک ہے

---

میرے نبیؐ کی حدِّ وراثت

جنّت کی جاگیروں تک ہے

---

مجمل مجمل خلق نبیؐ کا

قرآں کی تحریروں تک ہے

---

سب ہیں مضامیں مدحِ نبیؐ کے

اوج اس کا تفسیروں تک ہے

---

بِن طاعت کے عشق کا دعویٰ

تحریروں تقریروں تک ہے

---

خواہشِ حسنِ لقائے پیمبرؐ

خوابوں تک ، تعبیروں تک ہے

---

ان کے صدقے میری رسائی

جنّت کی تنویروں تک ہے

---

آگے ان کی منشا طاہرؔ

اپنا کام تو نیروں تک ہے