ہر ویلے لگی رہندی اے اکھیاں نوں تاہنگ مدینے دی
بین تیر فراق دا کُھب گئی اے وچ دل دے سانگ مدینے دی
اوہ سدا تڑپدے رہندے نے اوہ سدا پھڑکدے رہندے نے
جہناں نے جدائی جھلی اے جامی دے وانگ مدینے دی
انسان فدائی اس پاسے حوراں شیدائی اُس پاسے
دنیا وچ مانگ مدینے دی جنت وچ مانگ مدینے دی
ہو نینواں سی آسمان گیا ٹُٹ جنت دا سی مان گیا
دھرتی دیاں واہ کے زُلفاں نوں رب بھری جاں مانگ مدینے دی
تھاں تھاں تے نُور دے جلوے نے تھاں تھاں تے عشق دے سجدے نے
بھاری اے ساری دھرتی توں تھاں چند فرلانگ مدینے دی
وس پیندا عشق دا ویہڑا اے ڈب جاندا عقل دا بیڑا اے
جد صائم قلب سمندر چوں اُٹھدی اے کانگ مدینے دی
شاعر کا نام :- علامہ صائم چشتی
کتاب کا نام :- کلیات صائم چشتی