جہڑا رسولِ پاکؐ تو قربان ہوگیا
سمجھو اوہدی نجات دا سامان ہوگیا
میرے نبی دے نور دا ہویا جدوں ظہور
میرا خدا دی ذات تے ایمان ہوگیا
کردے نیں رشک ویکھ کے سارے ملائکہ
جبریل کملی والے دا دربان ہوگیا
راضی گنہگار تے ہوجائے گا خدا
راضی جے دو جہان دا سلطان ہوگیا
آئی اخیر وقت جدوں مصطفےٰ دی یاد
مر جانا میرے واسطے آسان ہوگیا
جس نوں ملی ظہوریؔ محبت حضورؐ دی
اللہ دا فضل اوہدا نگہبان ہوگیا
شاعر کا نام :- محمد علی ظہوری
کتاب کا نام :- کِتھے تیری ثناء