جاواں صدقے مدینے دے سلطان توں دو جہاں جس دی خاطر بنائے گئے
کملی والے دے آون توں قربان میں بے کساں دے نصیبے جگائے گئے
در تے دربان جبریل ورگے کھڑے گونگے پتھراں نے وی اوہدے کلمے پڑھے
اوہدی مرضی جے ہوووے تے دن نہ چڑھے شہنشاہ اہدے در تے جھکائے گئے
انبیاء ایس دنیا تے آئے کئی نہ کسے نوں ملی شاہ اوہدے جیہی
رات معراج دی ویکھو جس دے لئی عرش دے سارے رستے سجائے گئے
گلاں دساں کیہہ حج دے مہینے دیاں منگاں خیراں نبی دے سفینے دیاں
وسدیاں رہن گلیاں مدینے دیاں جتھے مینہ رحمتاں دے وسائے گئے
سیر سارے زمانے دی کردے رہے جلوے ایہہ رحمتاں دے نہ کدھرے ملے
ریس اوہناں دی کہڑا ظہوریؔ کرے بختاں والے مدینے بلائے گئے
شاعر کا نام :- محمد علی ظہوری
کتاب کا نام :- کِتھے تیری ثناء