میں لجپالاں دے لڑلگیاں مرے توں غم پرے رہندے
مری آساں امیداں دے بوٹے ہرے رہندے
خیال یار دے وچ میں مست رہندا ہاں دنے راتیں
مرے دل وچ سجن وسدا مرے دیدے ٹھرے رہندے
دعا منگیا کرو کتے مرشد نہ رس جاوے
جنہاں دے پیررس جاندے اوہ جیوندے ی مرے رہندے
ایہہ پینڈا عشق دا اوکھا ایہہ ٹر نے نال مکناں ایں
اوہ منزل نوں نئیں پا سکدے جیہڑے بیھٹے گھرے رہندے
کدی وی لوڑ نئیں پیندی مینوں در تے جاون دی
میں لجپالاں دا منگتا ہاں مرے پلے بھرے رہندے
کدی وی ڈب نہیں سکدے اوہ چڑھدے پانیاں اندر
جو ٹھلدے آسرے تیرے اوہو بیڑے ترے رہندے
نیازی مینوں غم کا ہدا مری نسبت ہے لاثانی
کسے دے رہن جو بن کے قسم رب دی کھرے رہندے
شاعر کا نام :- عبدالستار نیازی
کتاب کا نام :- کلیات نیازی