جس گھڑی عرش تے حضرت دی سواری آئی
بولے جبریلؑ اُٹھو رحمتِ باری آئی
تیرے دربار تے پہنچے نے نصیباں والے
میری سرکار اجے میری نہ واری آئی
اوہدی تقدیر تے قسمت دا ٹھکانا کیہ اے
خواب وچ جس نوں نظر شکل اوہ پیاری آئی
میں ایہہ جاتا میری سرکارؐ دے کھُل گئے گیسُو
مہکدی ہوئی جدوں بادِ بہاری آئی
آپ آویں نہ کدی کوئی سنہڑا گھلیّں!
کِس مصیبت دے وِچ ایہہ جان بچاری آئی
اعظؔم اس سرور عالم دا وچھوڑا توبہ
جیہڑی رات آئی مری جان تے بھاری آئی
شاعر کا نام :- محمد اعظم چشتی
کتاب کا نام :- کلیاتِ اعظم چشتی