کہیں جس کو دوائے دردِ ہجراں یا رسُول اللہ ؐ

کہیں جس کو دوائے دردِ ہجراں یا رسُول اللہ ؐ

دکھانا مجھ کو بھی وہ رُوئے تاباں یا رسُول اللہؐ

---

کَرم یا رحمتہ اللّعالمیں یا شافِع محشر

کہ ہے خالی عمَل سے میرا داماں یا رسُول اللہ ؐ

---

سُنا ہے آپ ہر عاشق کے گھر تشریف لاتے ہَیں

مرے گھر میں بھی ہو جائے چراغاں یا رسُول اللہؐ

---

کبھی تو رحم آجائے مری آشُفتہ حالی پر

کبھی تو ہو گُذر سُوئے غریباں یار سُول اللہ ؐ

---

دکھاتا پھر رہا ہُوں کب سے اِن سینے کے داغوں کو

سِلے گا کب مرا چاکِ گریباں یا رسُول اللہ ؐ

---

تُمھارا ذِکر کرتا جاؤں گا میدانِ محشر میں

یہی تو ہے مری بخشش کا ساماں یا رسُول اللہ ؐ

---

کِیا ہے نام لیواؤں میں شامِل اپنے اعظؔم کو

نہ بھُولوں گا قیامت تک یہ اِحساں یا رسُول اللہ ؐ