کملی والیا تیری چھانویں پل دے میں جئے لوگ بتھیرے
رب وی اونہوں کجھ نئیں کہندا آ وڑیا جو ویہڑے تیرے
چن قدماں نوں دوے سلامی، سورج آپ وی کرے غلامی
جس راہوں اوہ سوہنا گزرے اوتھوں نسدے جان ہنیرے
میں نہ ویخدا چڑھدا لہندا، جے سوہنے دے در تے بہندا
روضے پاک نوں تکدا رہندا، تکدا رہندا شام سویرے
کیہڑے کملے، کون سیانے، اوہدیاں تے بس اوہو جانے
اکناں نت اڈیکاں رکھیاں، اکناں دے نت وجدے پھیرے
نت صلواتاں بھیجے اللہ، روضہ ویخ کے ملے تسلا
ساڈے لئی تے عرش معلیٰ، جس تھاں سوہنے لائے ڈیرے
نام نبی دا منہ تے رہندا، کوے ظہوریؔ اٹھدا بہندا
ایخو عمر دی کل کمائی، ہور نئیں کجھ پلے میرے
شاعر کا نام :- محمد علی ظہوری
کتاب کا نام :- صفتاں سوہنے دیاں