کملی والے دے راہواں توں قربان مَیں سوہنا جدھروں گیا دن چڑھوندا گیا
اہدے رتبے نوں بندیاں تے مننّا ای سی اوہ تے پتھراں نوں کلمہ پڑھوندا گیا
حُسن سوہنے دا چمکاں پیا ماردا، روپ وکھرا اے نبیاں دے سردار دا
اونہوں ڈر نہ رہیا حشر دی نار دا، جہڑا نیڑے محمدؐ دے آوندا گیا
آئے غم لے کر مسرور ہوندے گئے، اپنے بیگانے منظور ہوندے گئے
درد دُکھیاں دے سب دُور ہوندے گئے، کملی والا جدوں مُسکراؤندا گیا
اک حقیقت دی پہچان بن دے گئے، آئے کافر مسلمان بن دے گئے
وِگڑے مُڈھاں دے انسان بن دے گئے، سوہنا ڈگیاں نوں پھڑ کے اٹھاؤندا گیا
لا دوا روگیاں نوں آرام آگیا، بن کے رحمت محمدؐ دا نام آگیا
جو وی قدماں چہ بن کے غلام آگیا، آقا سبھاں دی بگڑی بناؤندا گیا
سفر پیارا مدینے دے ول جان دا، رُتبہ سوہنا محمدؐ دے مہمان دا
ساتھ مِلیا ظہوریؔ ثنا خوان دا، سارے راہ نعتاں پڑھ پڑھ سناؤندا گیا
شاعر کا نام :- محمد علی ظہوری
کتاب کا نام :- کِتھے تیری ثناء