کرم کر بے ہُنر تے بے نوا تے یا رسول اللہ
مِلو وچ خواب دے راتے براتے یا رسول الله
زمانہ تولیا تے جاچیا تے پرکھیا سارا
رہواں اس نال ہُن کیہڑے میں ناتے یا رسول اللہ
میرے حالات کہندے نے کہ چیکاں مار کے روواں
مگر راضی ہاں میں تیری رضا تے یا رسول اللہ
گئے لگدے نویں زخماں دے اُتے زخم نیں اینے
نئیں جاندے داغ وی ہن تے پچھاتے یا رسول اللہ
میرے سب زخم اک پانی وچ ہوا ہو جانے سی سارے
نئیں چلدا زور طیبہ دی ہوا تے یا رسول اللہ
بڑے چر دی تمنا لَے کے بیٹھا ہاں میں دل اندر
ایہہ سر رکھاں ترے قدماں دی جا تے یا رسول اللہ
سوا تیرے بچا سکدا ناں کوئی ہور صائم نوں
ایہہ سارے ڈوب بیٹھا وہیاں کھاتے یا رسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی