کون ہے اے سرور دیں تیرے جیسا کون ہے

کون ہے اے سرور دیں تیرے جیسا کون ہے

جز تیرے شمس الضحی کی شان والا کون ہے

---

یہ تو ہیں آقا تمہارے نام ہی کی برکتیں

ہم فقیروں کو وگرنہ بھیک دیتا کون ہے

---

تو کریم دو جہاں میں ہوں فقیر ناتواں

تجھ سا داتا کون ہے اور مجھے سا منگتا کون ہے

---

صدقہ اپنے لاڈلوں کا ایک رحمت کی نظر

رحمتوں والے نبی میرا سہارا کون ہے

---

لاج والے لاج رکھنا تیرا کہلاتا ہوں میں

مجھ سے بے کس بے نوا منگتے کا داتا کون ہے

---

ہاتھ سے دامن نہ چھوٹے مصطفے کی آل کا

اس گھرانے کے علاوہ میرا تیرا کون ہے

---

یاد کر زاہد مکاں سے لامکاں کا وہ سفر

کس کا دم سدرہ پہ ٹوٹا آگے پہنچا کون ہے

---

پنجتن کا نام لیوا ہوں کوئی مجرم نہیں

دنیا والو! ان سے اعلیٰ ان سے اچھا کون ہے

---

نام لیوا ہوں نبی کا اور نبی کی آل کا

کوئی بتلائے نیازی مجھ سے اچھا کون ہے