کیہنوں میں دُکھ پھول سناواں کیہنوں میں پھٹ کھول دکھاواں
مدینے دیا سوہنیا، سد لَے مدینے گنہگار نوں
اک پل چین نہ آوے مینوں یاد تری تڑپاوے مینوں
ناں اک پل تھمدیاں باواں کراں میں دن رات دُعاواں
مدینے دیا سوہنیا ، سد لے مدینے گنہگار نون
اتھرو میرے چلدے رہندے ہو کے سڑ دے بلدے رہندے
میرا وی بولے ناواں تیرے میں دربار تے آواں
مدینے دیا سوہنیا، سد لے مدینے گنہگار نوں
ٹُر دے نے جد لوک مدینے بل پیندی اے اَگ وچ سینے
میں اک پل چین نہ پاواں تے غم وچ ڈب ڈب جاواں
مدینے دیا سوہنیا، سد لے مدینے گنہگار نوں
کردا ہاں ہر ویلے زاری کد آوے گی میری واری
میں تیری خیر مناواں تے جندڑی گھول گھماواں
مدینے دیا سوہنیا، سد لے مدینے گنہگار نوں
سب دی سوہنیا آس پُچاویں صائم تے وی کرم کماویں
میں تیریاں نعتاں گاواں میں تیرا سگ سدواواں
مدینے دیا سوہنیا، سد لے مدینے گنہگار نوں
شاعر کا نام :- علامہ صائم چشتی
کتاب کا نام :- کلیات صائم چشتی