کی دسّاں میں شان پیارے زُلفاں دے
رَب کردا اے آپ نظارے زُلفاں دے
رُومَی جامی سَعدی جِنہوں ویکھ لوؤ
اللہ دی سونہہ قَیدی سار ے زُلفاں دے
ہتّھ وچہ کاسہ پَھڑ کے بدَل ساون دے
بہہ گئے آکے یار دوارے زُلفاں دے
دِن چڑھدا اے آسرا لے کے چہرے دا
راتاں نُوں نے یار سہارے زُلفاں دے
چِٹّے دن وچہ ہر تھاں جَھڑیاں لگ جاون
جِس دم ہوون یار اشارے زُلفاں دے
راتاں نُوں وی نُور سی حاکؔم ہو جاندا
چمکن کُنڈل وانگ ستارے زُلفاں دے
شاعر کا نام :- احمد علی حاکم
کتاب کا نام :- کلامِ حاکم