مرے گلشن دے وچہ آون بہاراں
محمد يا محمد جد پکاراں
میرا آقا اے قاسم نعمتاں دا
اہدے در تے ناں کیوں دامن کھلاراں
مدینے پاک توں رُخ پھیر کتھوں
دلاں دا چین لیناں بے قراراں
نبی دے پاک در دی حاضری توں
فرشتے آوندے بنھ بنھ قطاراں
جیہدی گودی دے وچ آیا سی سوہنا
سلامان اوس نوں لکھاں ہزاراں
جلاوے ہجر دی اگ جیس ویلے
میں اوہدے ذکر تھیں سینے نوں ٹھاراں
میں اُس دے خُلق توں قربان صائم
زمانہ موہ لیا جس دے پیاراں
شاعر کا نام :- علامہ صائم چشتی
کتاب کا نام :- کلیات صائم چشتی