نہیں جاندے ہجر دے صدمات جھلے یا رسول اللہ
کرو نظر عنایت ساڈے ولے یا رسول اللہ
تساڈی یاد وچ روندا تڑپدا رات دن رہناں
عمل کوئی سوا اس دے نہیں پلے یا رسول اللہ
مدینے پاک ولوں پھر بلاوا آیا نئیں مینوں
کئی پیغام دُکھاں دے میں گھلے یا رسول اللہ
بتھیرا روک دا ہاں میں دلِ بے تاب و مُضطر نوں
ناں پر پلکاں توں جاندے اشک ٹھلے یا رسول اللہ
تیرے باہجوں سہارا ہور نئیں کوئی نظر اوندا
میں سجن دیکھ لئے نے کلے کلے یا رسول اللہ
تری کملی دے ہیٹھاں چین تے آرام پوندے نے
فقیر و بے نوا کملے تے جھلے یا رسول اللہ
تمنا آرزو تے التجا ایہو اے صائم دی
لكاؤنا حشر نوں کملی دے تھلے یارسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی