مَیں مَنیا نال یقین دے ‘ مَیں ویکھیا اکھاں نال
اوہدے ہتھ کُھنڈی یٰسین دی اوہدے گھنگرو والے بال
اوہدے چارے پاسے نُور ہے‘ اوہدا ہر جا عین ظہور ہے
اَساں پیراں تے سرسٹیا ‘ اَساں چھڈے سب جنجال
اوہدی گھر گھر نوبت وجدی ‘ اے ازلی گل نہ اج دی
او میم دی بکل مارکے گل کر دا ساڈے نال
اوہنوں ملنا سوکھی گل اے ‘ اوآپے ساڈے ول اے
تسی بیٹھو اوہنوں سوردے ‘ اوجاوے ڈیوا بال
توں واصفؔ گل نہ من دا ‘ کیوں اپنے دردنوں ونڈدا
جا موجاں مان پیاریا ‘ تیری گدڑی آیا لال
شاعر کا نام :- واصف علی واصف
کتاب کا نام :- ذِکرِ حبیب