مرکز نورو! کرامت نوں مدینہ آکھاں
محور مہر و مردت نوں مدینہ آکھاں
سب جہاناں دی شرافت دا اے مسکن اوتھے
سب جہاناں دی شرافت نوں مدینہ آکھاں
بادی و مہدی کونین دا در ہےجتھے
منبع رشد و ہدایت نوں مدینہ آکھاں
کردا واجب اے شفاعت جو گداواں اُتے
حجرہ شاہ شفاعت نوں مدینہ آکھاں
دل دی جھک جان تے جھک جاوندے سر وی اوتھے
قبلہ اہل محبت نوں مدینہ آکھاں
ہے شقاوت وی سعادت چ بدل دی جتھے
کعبہ اہل سعادت نوں مدینہ آکھاں
روشنی ملدی دو عالم نُوں ہے اوتھوں صائم
رب دے انوار دی طلعت نوں مدینہ آکھاں
شاعر کا نام :- علامہ صائم چشتی
کتاب کا نام :- کلیات صائم چشتی