مہکی مہکی فضا مدینے دی
ٹھنڈی ٹھنڈی ہوا مدینے دی
جاواں قربان اوہناں گلیاں توں
روز منگو دعا مدینے دی
میں وی من دا ہاں عظمت کعبہ
شان سب توں جدا مدینے دی
قصے چھڈ کے بہشت دے واغط
گل کوئی سنا مدینے دی
میرے زخماں نوں دل دے درداں نوں
راس آئی دوا مدینے دی
نور آوے نظر محمد دا
خاک اکھیاں چہ پا مدینے دی
کملی والے دی نعت دے صدقے
میں وی دیکھی فضا مدینے دی
کیہدا کیہدا نیازی نام لواں
ساری دنیا گدا مدینے دی
شاعر کا نام :- عبدالستار نیازی
کتاب کا نام :- کلیات نیازی