میرے اشک ورھدے چلے جا رئے نے
نظارے مدینے دے یاد آ رئے نے
مدینے دے اندر جو دیکھے سی منظر
اوہ یاد آ رئے نے تے تڑپا رئے نے
لڑی ہُندی جاندی اے ہنجواں دی لمی
کرم میرے محبوب فرما رئے نے
جدوں درد اُٹھے تے دل بیٹھ جاوے
سمجھ لو کہ سرکار آ جا رے نے
فقط اوہ ای جاندے نے ویکھن مدینہ
جہناں تائیں سرکار بلوا رئے نے
عطا اوہنوں جنت وی کر دے نے آقا
جہنوں خیر دیدار دا پا رئے نے
میں کھاندا غماں نوں ہاں دن رات صائم
تے مینوں مدینے دے غم کھا رئے نے
شاعر کا نام :- علامہ صائم چشتی
کتاب کا نام :- کلیات صائم چشتی