میرے نام نہ چٹھی آئی رو رو چٹھیاں پائیاں
تیرے ہجر چہ رو رو میرا ہو گیا حال سودائیاں
سوہنیا سب دے درد مکاناں ایں سب دی مشکل حل فرماناں ایں
پادے خیر توں وصل دا مینوں میں وی آساں لائیاں
اکھ رووے تے دل کُرلاوے ، مُڑ مُڑ یاد مدینہ آوے
لوں لوں میرا چیریا جاندا مارن سانگ جدائیاں
کس نوں دل دے پھٹ دکھلاواں کون سنے گا میریاں ہاواں
بن تیرے سُلطاناں میریا سارے جگ دیا سائیاں
غاراں دے وچہ روون والیا ، عیب اساڈے دھوون والیا
کون سنے گا بانجھ تُساڈے میریاں حال دوہائیاں
پنجتن پاک دے پیار دے صدقے ، حیدر دی دستار دے صدقے
سد کے سب نوں روضے اُتے قائم تیریاں شاہیاں
نور دا مرکز سینہ تیرا ، وسدا رہوے مدینہ تیرا
سد صائم نوں وی ہن جتھے جھوکاں ہین وسائیاں
شاعر کا نام :- علامہ صائم چشتی
کتاب کا نام :- کلیات صائم چشتی