میرے سوہنے نبی کملی والے دیاں سارے نبیاں توں شاناں ودھائیاں گئیاں
رات معراج دی سد کے عرشاں اتے ساڈے سوہنے نوں سیراں کرائیں گئیاں
اوتھے رب رحمتاں دیاں چھاواں کرے صدقہ خیرالوری دا عطاواں کرے
جیہڑے گھر وچہ دروداں سلاماں دیاں دوستو محفلاں نیں سجائیاں گئیاں
میرے لج پال مدنی دے دیوانیو میرے محبوب مدنی دیو عاشقو
کھا کے کہناں ہاں اللہ دی سونہہ بیلیو صرف تہاڈے لئی جنتاں بنائیاں گئیاں
نئیں کسے دے وی وس وچ اوہ جالی چمے لتے جا کے نظارے اوہ دربار دے
جاندیاں نیں اوہو اوہدے دربار وچ جو وی سیاں مدینے بلائیاں گئیاں
میرے لج پال من ٹھار سوہنے نبی روڑیاں نے وی دتی گواہی تیری
تیری عظمت دے ڈنکے وجاون لئی گلاں گونگیاں دے کولوں کرائیاں گئیاں
نعت سوہنے دی سن کے توں اینویں نہ سڑ رب توفیق دیوے تے قرآن پڑھ
اوہ نبی ہے تے ہے صرف ساڈا نبی جیہدے ناں دیاں قسمیں نیں چائیں گئیاں
ایویں رولا نہ پا پھر کے توں در بدر رب دے ولیاں دی عظمت نوں تسلیم کر
دیکھ ولیاں دیاں توں مزاراں اتے اک کیہ لکھاں چدراں چڑھائیاں گئیاں
ولی رب دے عقیدت دی گل دیکھ دے ایہہ کسے دے نئیں عیباں دے ول ویکھ دے
اللہ والیاں دے کول جو وی گئے اوہناں تنگیاں نوں رنگتاں چڑھائیاں گئیاں
شاناں والے میں من دا ہاں سارے نبی میرے آقا جیہا پر نئیں کوئی وی
اوہ تے ہے صرف میرا نبی جیہدیاں فرشاں عرشاں اتے پے دہائیاں گئیاں
خلق دساں نیازی کی سرکار دا سارے نبیاں رسولاں دے سردار دا
اپنیاں نوں تے گل نال لاؤناں ای سی ویریاں لئی ولی چدراں وچھائیاں گئیاں
شاعر کا نام :- عبدالستار نیازی
کتاب کا نام :- کلیات نیازی