میرے چن، میرے ماہی، میرے ڈھول سوہنیا
من موہنے سوہنے سوہنے تیرے بول سوہنیا
پل پل، گھڑی گھڑی گناں دن تے مہینے
ٹھنڈ پوے وچ سینے جاواں جدوں میں مدینے
بیٹھا رہواں تیرے قدماں دے کول سوہنیا
اچے اچیاں توں اچی میرے آقا تیری شان
ہووے حشر دا میدان رکھیں ساڈا وی دھیان
تیرے ہوندیاں میں جاواں کویں ڈول سوہنیا
ملے کدھرے نہ ڈھوئی وس چلیا نہ کوئی
کنویں جا کے میں سناواں جیہڑی میرے نال ہوئی
دتا ہجر دے پینڈے مینوں رول سوہنیا
چنگا عمل ظہوریؔ میرے پلے نئیوں کائی
جان لباں تے آئی دتی تری میں دہائی
نالے اکھیاں دے بوہے رکھے کھول سوہنیا
شاعر کا نام :- محمد علی ظہوری
کتاب کا نام :- صفتاں سوہنے دیاں