محمد دے در اُتے جو جا رہیا اے
اوہ منگن دے نالوں سوا پا رہیا اے
کویں وادھا گھاٹا کسے نال ہووے
نبی میرا جد آپ ورتا رہیا اے
ہزاراں سوالی تے ونڈ دا نئی تھکدا
سخی نوں یقیناً مزا آ رہیا اے
کوئی اوہدے پیراں تے ڈگا پیا اے
کیسے تائیں محبوب گل لا رہیا اے
کوئی منگ کے دُنیا کوئی منگ کے جنت
طلب اپنی اپنی لئی جا رہیا اے
میرے کملی والے دا نوری پسینہ
مدینے دی ہر شے نوں مہکا رہیا اے
کوئی پی کے اتھرو کھلوتا اے صائم
کوئی اشک طیبہ چہ برسا رہیا اے
شاعر کا نام :- علامہ صائم چشتی
کتاب کا نام :- کلیات صائم چشتی