مصطفی دا آستانہ نور اے
مصطفی دا در شہانہ نُور اے
نور راہواں نُور منزل نور دی
لامکاں تے جانا آنا نور اے
نور اہل بیت نے سرکار دے
آپ دا سارا گھرانہ نور اے
جنہوں سوہنے آکھیا خیر القرون
آپ دا اوہ سب زمانہ نُور اے
نور بَھوری نور گَھوری آپ دی
مصطفى دا مسکرانا نور اے
نُور اے کمبل مُزمل آپ دا
بلکہ اوہدا تانا بانا نُور اے
میرے آقا دے مدینے پاک تے
چھا رہیا صائم سُہانا نور اے
شاعر کا نام :- علامہ صائم چشتی
کتاب کا نام :- کلیات صائم چشتی