ناں تے گھٹ دا سوز جگر دا ناں ای اتھرو سُک جاندے نیں
پر جے غم طیبہ دا مل جائے دُنیا دے غم مُک جاندے نیں
جان جہان دی سوہنا میرا جد عرشاں تے جاون لگ دا
کاروبار حیاتی والے اوتھے ہی سارے رُک جاندے نیں
پنجتن پاک لئی جو اُتے ویکھن وچ تے اک چادر سی
پر تطہیر اہدی وچ ارباں کھرباں عاصی لُک جاندے نیں
جد وی عاشق دی زبان اُتے سوہنے دا ناں آجاندا اے
نال ادب دے مجرا بھر دے دونویں عالم جھک جاندے نیں
جیہدی تاہنگ چ کھولی رکھاں اکثر اکھیاں دے دروازے
اوہ تشریف لیاوے جس دم آپے بوہے ڈُھک جاندے نیں
آقا میرے جد وی صائم وچ خیال دے آجاندے نیں
دل میرے توں درد غماں دے سارے پہرے چُک جاندے نیں
شاعر کا نام :- علامہ صائم چشتی
کتاب کا نام :- کلیات صائم چشتی