نبیاں دا سردار مدینے
سوہنا سانول یار مدینے
عاصیوں کھلا رہندا ہر دم
رحمت دا بازار مدینے
جنہوں تکیاں دل نہیں رجدا
اوه سوہنا دربار مدینے
غم دنیا دے مار نئیں سکدے
ہے میرا غم خوار مدینے
کوہجیاں نوں جو سینے لاوے
اوه مدنی سرکار مدینے
ہر دکھ درد را دارو ملدا
ول ہوون بیمار مدینے
چارہ گرد کوئی چارہ لاوو
ره آواں دن چار مدینے
پوری دنیا وچ نیں ملدا
جیہڑا ملدا پیار مدینے
میرا نیازی دل کردا اے
آواں جاواں یار مدینے
شاعر کا نام :- عبدالستار نیازی
کتاب کا نام :- کلیات نیازی