نامِ شاہِ اُممؐ دل سے لف ہو گیا

نامِ شاہِ اُممؐ دل سے لف ہو گیا

نعتِ لکھنا ہی میرا شغف ہو گیا

---

نعت میں جڑ کے ہونے لگا ضوفشاں

میرا ہر حرف دُرِ نجف ہو گیا

---

جلوہ گر ہو گیا چاند میلاد کا

ذکرِ صلِ علیٰ ہر طرف ہو گیا

---

جب نظر پڑ گئی تیریؐ درگاہ پر

ایسے دھڑکا مرا دل کہ دف ہو گیا

---

جب ارادہ کیا نعتِ سرکارؐ کا

ایک اِک حرف خود صف بہ صف ہو گیا

---

ملتوی ہو گئے سب ارادے مرے

کوئے سرکارؐ میرا ہدف ہو گیا

---

لطف ایسا کیا مجھ پہ سرکارؐ نے

بے ہنر مجھ سا خامہ بکف ہو گیا

---

ہو گیا جس پہ لطف و کرم شاہؐ کا

وہ خذف بھی یکایک صدف ہو گیا

---

جب سے اشفاقؔ کی لو لگی آپؐ سے

نعت لکھنا ہی اس کا شرف ہو گیا