راضی جہدے اُتے مصطفیٰ دی ذات ہوگئی
اوہدی جگ وچوں وَکھری برات ہوگئی
وسدا اے جگ سارا سوہنے دے سہارے تے
جُھکیا ابے کعبہ رہندا یار دے دوارے تے
جیہڑا جیہڑا جھکے اوس دی نجات ہوگئی
رہندا گھر عاشقاں دے پھیرا اے حضور دا
لگا رہندا دلاں وچہ ڈیرا اے حضور دا
جدوں سر نوں جُھکایا ملاقات ہوگئی
اوس ویلے مُک جاندے غم دُکھ سارے نے
اوس ویلے لبھدے حبیب دے نظارے نے
جدوں اکھیاں دے وچوں برسات ہو گئی
صائم میرے آقا دے کمال وی کمال نے
تار دتے جگ دونویں آمنہ دے لال نے
جہیڑی کیتی میرے سوہنے اوہو بات ہو گئی
شاعر کا نام :- علامہ صائم چشتی
کتاب کا نام :- کلیات صائم چشتی