شاہِ ہُدا ہیں شاہِ مدینہ
نورِ خدا ہیں شاہِ مدینہ
غم پانے والو حیران کیوں ہو
غم کی دوا ہیں شاہِ مدینہ
ہر بات اُن کی عین حقیقت
حق ِ آشنا ہیں شاہِ مدینہ
نورِ مکمل حُسنِ مُجسَّم
شانِ خُدا ہیں شاہِ مدینہ
مانگ لو اِن سے مانگنے والو
بحر ِ سخا ہیں شاہ ِ مدینہ
رقص کناں ہیں دل کی دُعائیں
جانِ دُعا ہیں شاہِ مدینہ
لب کی خموشی دیکھنے والو
دل کی صدا ہیں شاہِ مدینہ
شاعر کا نام :- بہزاد لکھنوی
کتاب کا نام :- نعت حضور