تیرے تے سلام سانوں تار دین والیا
ٹُٹے ہوئے دِلاں نوں قرار دین والیا
لکھاں نے دُرود تے سلام تیری ذات تے
زندگی حلیمہ دی سنوار دین والیا
ساڈے وی نصیب دا ہنیرا دُور کر دویں
جگ سارا نور تھیں نکھار دین والیا
ساڈی اج بزم نوں وی نور نال رنگ دے
سینیاں چ روشنی اُتار دین والیا
سوہنیا میلاد تیرا ہندا رہوے حشر تک
سانوں ایہہ بہار تے بہار دین والیا
خیر ہووی مشکلاں مصیبتاں دے بحر چوں
بیٹریاں اسا ڈیاں گزار دین والیا
تیرے یار غار دے وی اُچے ہون مرتبے
مومناں نوں حیدرِ کرار دین والیا
واسطہ حسین دا ای پورا ایہنوں کر دویں
محل ساڈی آس دا اُسار دین والیا
صائم اک ہور جام عشق دا اے منگدا
سُںیاں نوں اپنا پیار دین والیا
شاعر کا نام :- علامہ صائم چشتی
کتاب کا نام :- کلیات صائم چشتی