توں ایں ساڈا چین تے قرار سوہنیا
تیرے نال وس دی بہار سوہنیا
تاریاں دے نال سوہنی سجی ہوئی رات نوں
اک رات کیہہ اے ایس ساری کائنات نوں
تیرے قدماں توں دیاں وار سوہنیا
تیرا ای خیال سارے دکھاں نوں بھلا گیا
اکھ دا اشارہ میری زندگی بنا گیا
جیوے تیری اکھ دا خمار سوہنیا
اک پلے اتھرو تے اک پلے ہاواں نیں
میری جھولی وچہ تے خطاواں ای خطاواں نیں
توں ایں دسنا ایں غم خوار سوہنیا!
دِسدا رہویں توں ساڈے دلاں دیا جانیاں
کہندیاں ظہوریؔ دیاں اکھیاں نمانیاں
ایخو ساڈے دل دی پکار سوہنیا
شاعر کا نام :- محمد علی ظہوری
کتاب کا نام :- کِتھے تیری ثناء