کھلے بوہے ویخ کے تیرے دوارے آگئے
سُن غماں دیا محرماں درداں دے مارے آگئے
بن تیرے کہڑا سُنے گا درد منداں دی صدا
لے کے جھولی وچ غماں دا بھار سارے آگئے
تر نئیں سکدے ساں چھلاں پیندیاں مجبور ساں
توں نظر پائی اسیں ڈبے کنارے آگئے
لڑکھڑاندے ڈگدے ڈھیندے سنبھلدے اٹھدے
ایس منزل تک اسیں تیرے سہارے آگئے
جنہاں وی ساقی دی نظروں ڈھلدی مے پی لئی
اونہاں خوش بختاں نوں کوثر دے ہلارے آگئے
ایہہ ہے میرے دوستو مرشد دے قدماں دی طفیل
سن لیا جنہاں ظہوری نوں نظارے آگئے
شاعر کا نام :- محمد علی ظہوری
کتاب کا نام :- کِتھے تیری ثناء