جس راہ توں سوہنیا لنگھ جاویں اوہدی خاک اٹھا کے چُم لیناں
جد ہجر ستاوے ناں تیرا اکھیاں نوں لا کے چُم لیناں
اک دن اوہ وی دن آوے گا جد در تے یا ربلاوے گا
رکھ رکھ کے تصور روضے دا اک نقشہ بنا کے چُم لیناں
زاہد جے پچھے دس تیرے محبوب دا چہرہ کیسا اے
میں ہور تے کجھ نئیں کہہ سکدا قرآن اٹھا کے چُم لیناں
ہتھ مرشد دے ہتھ تیرے نیں رب آکھے ایہہ ہتھ میرے نیں
ایسے لئی مرشد کامل دے ہتھاں نوں جا کے چُم لیناں
مرشد توں تیرا در ملدا اس در توں رب دا گھر مِلدا
میں ایسے خاطر ولیاں دی چوکھٹ نوں جا کے چُم لیناں
میرا مان ظہوریؔ سوہنے تے میں کوہجا کیہہ تعریف کراں
جو قلم لِخے ناں سوہنے دا اوہ قلم اُٹھا کے چُم لیناں
شاعر کا نام :- محمد علی ظہوری
کتاب کا نام :- کِتھے تیری ثناء