راضی جنہاں گنہگاراں تے حضور ہوگئے
معاف اللہ ولوں اونہاں دے قصور ہوگئے
سو دکھ ملے نیکیاں ہزار کیتیاں
پتھر پین تے دعاواں سرکار کیتیاں
ویری ڈِگ پئے پیریں منظور ہوگئے
ساری دنیا توں وکھرا نظارا ویکھ دے
جہڑے جا کے نبی پاکؐ دا دوارا ویکھ دے
جدوں ویکھیا مدینہ دُکھ دور ہوگئے
ساہ مُک چلے تاہنگ حالی تیک رکھی اے
ایناں اکھیاں دیدار دی اڈیک رکھی اے
بھاگاں والیاں دے نام منظور ہوگئے
راضی جنہاں گنہگاراں تے حضور ہوگئے
شاعر کا نام :- محمد علی ظہوری
کتاب کا نام :- کِتھے تیری ثناء