گُلوں سے دل کی زمینوں کو بھردیا تو نے

گُلوں سے دل کی زمینوں کو بھردیا تو نے

ضمیر تیرہ کو گلنارکردیا تو نے

---

ہوائے تازہ سے مہکا دیا زمانے کو

مسافروں کو یہ برگِ سفر دیا تو نے

---

شبِ سیاہ مسلّط تھی اس پہ مدّت سے

مری زمیں کو پیامِ سحر دیا تو نے

---

عُبور کر کے خلا و ملا کی پہنائی

عجب تصّورِ فتح و ظفر دیا تو نے

---

سُجھا کے نکتہ خَیّرُ الْاُ مُورِ اَ وْ سَطُہَا

مجھے توازنِ فِکر و نظر دیا تو نے

---

برنگِ شمع جلے اور نظر کو ٹھنڈک دے

دلِ بشر کو مزاجِ قمر دیا تو نے

---

غلام کیوں نہ تری عظمتوں کے گُن گائیں

جِنھیں تصّرفِ ہر خشک و تر دیا تو نے

---

فقیر کیوں نہ عطاؤں کے تذکرے چھیڑیں

سوال سے بھی جنھیں پیشتر دیا تو نے

---

رہیں گے جس کی حلاوت سے جسم و جاں سر شار

نخیلِ طبع کو ایسا ثمردیا تو نے