ہیں ساری کائنات میں سرکار بے مثال
رہبر ہے سیرت آپ کی، کردار بے مثال
ہر رہ گزر سے آتی تھی خوشبو حضور کی
مشہور ہے وہ آپ کی مہکار بے مثال
قرآں کی آیتوں میں ہے توصیف آپ کی
والشمس چہرہ، گیسوئے خمدار بے مثال
شفقت بھرا ہے لہجہ شیریں حضور کا
میٹھی ہے پیاری پیاری وہ گُفتار بے مثال
ہے رشکِ جنت آپ کا دربارِ عالی شان
روضۂ پاک ، گنبد و مینار بے مثال
اُٹھی نظر ہے جس طرف آقا کریم کی
صحرا بھی یوں ہوئے ہیں گلزار بے مثال
لکھتی ہے ناز جب بھی مدحت حضور کی
ملتی ہیں دل کو راحتیں ہر بار بے مثال