محبوبِؐ دل نواز سراپا کمال ہے
اُنؐ کا وجود پیکرِ حسن و جمال ہے
دل میں فقط ہے بخششِ اُمت کا اضطراب
آقاؐ کو ہر غلام کا کتنا خیال ہے
ساقیؐ وہاں ہیں کوثر و زم زم کے جلوہ گر
طیبہ میں تشنگی کا تصور محال ہے
ہم ہیں گدائے کوچہء محبوبِ کبریاؐ
شاہِ عربؐ سے چشمِ کرم کا سوال ہے
تجھؐ سا کسی کی آنکھ نے دیکھا نہیں کبھی
کونین میں حسین توئیؐ، بے مثال ہے
شاعر کا نام :- اشفاق احمد غوری
کتاب کا نام :- صراط ِ نُور