رُوئے پُر نور ہے والضحیٰ آپؐ کا
نام ہے احمد مجتبیٰؐ آپؐ کا
عرشِ حق آپؐ کا مقتضا ، منتظر
راستہ سدرۃ المنتہیٰ آپؐ کا
آپؐ کے ہیں زمیں آسمان بحر و بر
یعنی سب کچھ ہے یا مصطفیٰؐ آپؐ کا
آپؐ کا دور ملتا ہمیں بھی اگر
دیکھتے حسنِ بدر اُلدجیٰ آپؐ کا
انبیاؐ تھے ستارے سبھی چھپ گئے
چاند نکلا ہے خیرالوریٰؐ آپؐ کا
علم کا شہر بس آپؐ کی ذات ہے
اور در ہے علیؓ المرتضیٰ آپؐ کا
ہم تو اشفاقؔ یہ جانتے ہیں فقط
مرتبہ ہے وریٰ الوریٰ آپؐ کا
شاعر کا نام :- اشفاق احمد غوری
کتاب کا نام :- صراط ِ نُور