محفل ہے یہ آقا کی کیا خوب نظارے ہیں

محفل ہے یہ آقا کی کیا خوب نظارے ہیں

کچھ کردو عطا ہم کو ہم منگتے تمہارے ہیں

---

اِس در سے کسی کو بھی انکار نہیں ہوتا

ہر ایک کا دعویٰ ہے سرکار ہمارے ہیں

---

جو آیا بھری جھولی مایوس نہ لوٹایا

چوکھٹ پہ تیری آقا منگتوں کے گزارے ہیں

---

صِدّیق عُمر عُثمان حیدر سے کوئی پُوچھے

کیا شان ہے آقا کی یہ نُوری ستارے ہیں

---

میرا تو نہیں کچھ بھی سب کچھ ہے فدا اُن پر

تَن مَن دھن سب ہم نے سرکار پہ وارے ہیں